How to Download and Install Monlam Tibetan Font and Keyboard FREE in Window OS? 2023 སྐར་ཁུང་མ་ལག་ནང་སྨོན་ལམ་བོད་ཡིག་གི་ཡིག་གཟུགས་དང་མཛུབ་གནོན་རིན་མེད་ཐོག་ཕབ་ལེན་དང་སྒྲིག་འཇུག་བྱེད་སྟངས། ༢༠༢༣

དྲྭ་ཚིགས་འདིར་ཕེབས་པར་དགའ་བསུ་དང་དུས་དང་བསྟུན་པའི་འཚམས་འདྲི་བཀྲ་ཤིས་བདེ་ལེགས་ཞུ།

དེ་རིང་ཁོ་བོས་འདི་ནས་སྐར་ཁུང་མ་ལག་ (window OS) གི་གློག་ཀླད་ནང་སྨོན་ལམ་བོད་ཡིག་གི་ཡིག་གཟུགས་དང་འཐེབས་གཞོང་རིན་མེད་ཐོག་ཕབ་ལེན་དང་སྒྲིག་འཇུག་བྱེད་སྟངས་སྐོར་ཞུ་འདོད་བྱུང་བས། ཁྱེད་རྣམ་པར་ཐུགས་ཕན་གསོ་བའི་རེ་སྨོན་བཅངས། གཤམ་གསལ་གྱི་གོ་རིམ་ལྟར་གནང་རོགས།

༡༽ ཆེས་ཐོག་མར་གཤམ་གྱི་དྲྭ་ཐག་བརྒྱུད་ནས་སྨོན་ལམ་དྲྭ་ཚིགས་ནང་འཛུལ་ནས་ཐོན་དངོས་ལ་ལན་ཅིག་གནན།

https://www.monlamit.com/ 

༢༽ མཐོན་དངོས་ཀྱི་ངོ་ཤོག་མཐའ་མའི་སྨོན་ལམ་བོད་ཡིག་གི་སྒམ་ཆུང་ལས་ཕབ་ལེན་དེར་གནོན།

༣༽ དེ་ནས་ཕབ་ལེན་འོག་གི་སྐར་ཁུང་རྟགས་ཅན་དེར་གནན་པ་དང་ཚེར་དམ་ཡིག་སྣོད་ (zip file) ཕབ་ལེན་བྱེད་ཐུབ།

༤༽ ཁྱེད་ཀྱི་ཕབ་ལེན་ཡིག་སྣོད་ནང་ལ་སོང་ནས་ཚེར་དམ་ཡིག་སྣོད་དེ་བཀྲོལ་(Extract) དགོས་པ་ཡིན། ཚེར་དམ་ཡིག་སྣོད་བཀྲོལ་བྱེད་ཀྱི་མཉེན་ཆས་དུ་མ་ཡོད་པ་ཡིན། གློག་ཀླད་ཁ་ཤས་ནང་དང་ཐོག་ཡོད་ལ། ཁ་ཤས་ནང་མེད་སྟབས་ཕབ་ལེན་དང་སྒྲིག་འཇུག་བྱེད་དགོས་པ་ཡིན། https://www.7-zip.org/ དྲྭ་ཐག་འདིའི་བརྒྱུད་ནས་ཁྱེད་ཀྱིས་ཚེར་དམ་ཡིག་སྣོད་བཀྲོལ་བྱེད་ཕབ་ལེན་བྱེད་ནུས།

    ཚེར་དམ་ཡིག་སྣོད་བཀྲོལ་བར་བྱེད་པ་ལ་ཙི་ཙིའི་གཡས་ངོས་ལན་གཅིག་གནན་ནས་Extract All ལ་གནན་བྱས་OK གནན་དགོས་པ་ཡིན་ལ། དེ་མཚུངས་ཡང་བསྐྱར་ཚེར་དམ་ཡིག་སྣོད་གཉིས་པོ་དེའང་བཀྲོལ་དགོས་པ་ཡིན།

༥༽ ཡིག་སྣོད་ཚང་མ་བཀྲོལ་རྗེས་ Monlam-Bodyig-3-1-All-Windows ཡིག་སྣོད་དེའི་ནང་སོང་ནས་ལན་ཅིག་གནན་ནས་སྨོན་ལམ་བོད་ཡིག་སྒྲིག་འཇུག་བྱེད་པ་ཡིན།

༦༽ སྐར་ཁུང་མ་ལག་དེར་གནན་ནས་མཉེན་ཆས་སྒྲིག་འཇུག་བྱེད་དགོས།

 ༧༽ དེ་རྗེས་དང་པོ་དེར་གནན་ནས་སྨོན་ལམ་བོད་ཡིག་གསུམ་པ་སྒྲིག་འཇུག་བྱེད་ཐུབ།

༨༽ དེ་ནས་མཛུབ་གནོན་སྒྲིག་འཇུག་བྱེད་དགོས་པས། འཐེབས་གཞོང་གི་པར་རིས་དེར་གནན་ནས། དང་པོ་དེ་སྒྲིག་འཇུག་བྱས་བསྒྲུབས་པ་དང་སྨོན་ལམ་བོད་ཡིག་སྒྲིག་གྲུབ་པ་ཡིན།

༩༽ དེའི་རྗེས་ཁྱེད་རང་གི་མཛུབ་གནོན་ལ་གཤམ་གསལ་ལྟར་Monlam Bodyig 3.01 Unicode to TCRCKB ཤར་ཡོད་དགོས་ལ། Word ནང་གི་ཡིག་གཟུགས་ལའང་སྨོན་ལམ་ཡིག་གཟུགས་ཀྱི་གདམ་ཁ་དེ་འཆར་ངེས་ཡིན། དེ་ལྟར་ཁྱེད་ཀྱི་བོད་ཡིག་བྲི་སྐབས་མཛུབ་གནོན་དང་ཡིག་གཟུགས་གཉིས་ཀ་བོད་ཡིག་ཐོག་བཞག་དགོས་པ་ཡིན་ནོ།།

ཁྱེད་རྣམ་པའི་རེ་འདུན་གྲུབ་ཡོད་པའི་ཡིད་ཆེས་ཡོད་ལ། གལ་ཏེ་ཅི་རིགས་ཀྱི་དཀའ་ངལ་འཕྲད་ཚེ་མཆན་ནང་བཀོད་རོགས། ཐུགས་རྗེ་ཆེ། སླད་མར་གློག་ཀླད་དང་འབྲེལ་བའི་གནད་དོན་གཞན་དང་ལྷན་དུ་མཇལ་ཡོང་ངོ་།།

ཁྱོད་བརྙན་ཆེད་འདིར་གཟིགས་རོགས།